|
Åresong til Strandebarm 25 sept 2010
Konsert:
Fosse/Fliflet: Åresong
Stad: Haugatun, Strandebarm
Tekstane er av Jon Fosse og Gabriel Fliflet har sett tonar til.
Artistar:
Gabriel Fliflet, piano, trekkspel, song
Per Jørgensen, song, trompet
Benedicte Maurseth, song, hardingfele
Kristoffer Vogt, song, kontrabass
Stein Urheim, song, strengeinstrument
Dette var eit tingingsverk til Festspela i Bergen 2010
Konserten var ei oppleving for dei som var i Grieghallen.
Smaksprøve på Youtube
Set av laurdag 25 sept 2010 i Haugatun
Me har framleis bøker, plakatar, kort og T- skjorter til sals.
Kontakt: post@fossedagane.com
”Klangen frå Strandebarm ligg i botnen av alt eg skriv. Haustmørkret. Tolvåringen som går på ein smal bygdaveg. Vinden, regnet som piskar, fjorden slår. Eit einsleg hus med lys i vindauge. Kanskje kjem det ein bil. Dei tinga der ligg i botnen av alt eg skriv.”
Jon Fosse.
ho står i sitt eige mørker
ho står i sitt eige lys, ho står på ein bakke
ho står og ser seg rundt, ho står og held på ein pose
ho opnar posen og ho ser seg rundt, ho tar ein neve
med brødbitar opp ifrå posen, ho ser seg rundt
og sauene kjem, dei kjem ifrå kvar sin kant
sauene, lamma, sjølv verane kjem
dei spring imot henne, ho står med handa full
av brød i bitar ho deler litt ut og dyra et ho byrjar så gå
og dyra følgjer etter ho står i sitt eige lys ho går føre
og sauene kjem etter og rundt seg har ho sauene
(og over det heile er hennar, så uforfalska, klåre lys)
dikt-1986-2000
| 
